Header Banner
యూపీఐ యూజర్లకు షాక్..! తప్పకుండా తెలుసుకోవాల్సిన విషయమిది!
Sun Jun 01, 2025 13:53 Business
దేశంలో నగదు రహిత లావాదేవీలు గణనీయంగా పెరిగిన నేపథ్యంలో యూపీఐ యాప్‌ల వినియోగదారుల రోజువారీ జీవితంలో భాగమైపోయాయి. ముఖ్యంగా, తమ బ్యాంక్ ఖాతాలో ఎంత డబ్బు ఉందో తెలుసుకోవడానికి చాలామంది తరచూ యూపీఐ యాప్‌లనే ఆశ్రయిస్తున్నారు. దీనివల్ల బ్యాంకు శాఖకు గానీ, ఏటీఎం కేంద్రానికి గానీ వెళ్లాల్సిన అవసరం తప్పుతోంది. అయితే, ఇలా అకౌంట్ బ్యాలెన్స్ చూసుకోవడంపై నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) కొన్ని కొత్త నిబంధనలు తీసుకురానుంది. ఈ మేరకు బ్యాంకులకు, యూపీఐ సేవల సంస్థలకు ఇప్పటికే నోటిఫికేషన్ జారీ చేసింది.
బ్యాలెన్స్ ఎంక్వైరీపై పరిమితి
ఎన్‌పీసీఐ కొత్త మార్గదర్శకాల ప్రకారం ఇకపై ఒక యూపీఐ యాప్ ద్వారా రోజుకు గరిష్టంగా 50 సార్లు మాత్రమే తమ బ్యాంక్ ఖాతాలోని నిల్వను పరిశీలించుకోవడానికి వీలుంటుంది. ఒకవేళ వినియోగదారులు రెండు వేర్వేరు యూపీఐ యాప్‌లు వాడుతున్నట్లయితే, ప్రతి యాప్‌లోనూ రోజుకు 50 సార్లు చొప్పున బ్యాలెన్స్ తనిఖీ చేసుకోవచ్చు. యూపీఐ నెట్‌వర్క్‌పై అధిక భారం పడకుండా చూడటం, తద్వారా లావాదేవీల వేగాన్ని, సేవల నాణ్యతను పెంచడమే ఈ నిర్ణయం వెనుక ఉన్న ప్రధాన ఉద్దేశమని ఎన్‌పీసీఐ వర్గాలు తెలిపాయి.
ఇతర కీలక మార్పులు
బ్యాలెన్స్ ఎంక్వైరీ పరిమితితో పాటు, మరికొన్ని ముఖ్యమైన మార్పులను కూడా ఎన్‌పీసీఐ ప్రతిపాదించింది. అవి:
లావాదేవీ తర్వాత బ్యాలెన్స్ సమాచారం: ప్రతి విజయవంతమైన యూపీఐ లావాదేవీ అనంతరం, వినియోగదారుడికి ఆ లావాదేవీ వివరాలతో పాటు, వారి ఖాతాలోని ప్రస్తుత బ్యాలెన్స్ సమాచారాన్ని కూడా తప్పనిసరిగా పంపాలని బ్యాంకులను ఎన్‌పీసీఐ ఆదేశించింది.
ఇది కూడా చదవండి: విశాఖ టూ శ్రీలంక ప్రత్యేక టూర్! ఇప్పుడు తక్కువ ధరలోనే!
ఏపీఐ లావాదేవీలకు సమయ నిర్దేశం: అప్లికేషన్‌ ప్రోగ్రామింగ్‌ ఇంటర్‌ఫేసెస్‌ (ఏపీఐ) ద్వారా జరిగే లావాదేవీల విషయంలో సమయపాలనను నిర్దేశించారు. ఉదయం 10 గంటల నుంచి మధ్యాహ్నం 1 గంట వరకు, అలాగే సాయంత్రం 5 గంటల నుంచి రాత్రి 8.30 గంటల మధ్య మాత్రమే వినియోగదారుల అనుమతితో ఈ లావాదేవీలు జరగాలని సూచించింది.
ఆటోమేటెడ్ చెల్లింపులు: క్రమానుగత పెట్టుబడులు (ఉదాహరణకు సిప్), ఓటీటీ సబ్‌స్క్రిప్షన్లు వంటి ఆటోమేటెడ్ చెల్లింపులను వీలైనంతవరకు రద్దీ తక్కువగా ఉండే సమయాల్లోనే ప్రాసెస్ చేయాలని బ్యాంకులకు, యూపీఐ యాప్ సంస్థలకు సూచించారు. వినియోగదారులు రద్దీ సమయాల్లో కూడా ఆటోపేమెంట్ కోసం అభ్యర్థన పెట్టుకోవచ్చు, కానీ ఆ చెల్లింపు రద్దీ లేని సమయంలోనే ప్రాసెస్ అవుతుంది.
ఈ కొత్త నిబంధనలన్నీ ఆగస్టు 1వ తేదీ నుంచి అమల్లోకి వస్తాయని ఎన్‌పీసీఐ స్పష్టం చేసింది. ఈ మార్పుల ద్వారా యూపీఐ చెల్లింపుల వ్యవస్థను మరింత సమర్థవంతంగా, సురక్షితంగా మార్చడమే తమ లక్ష్యమని అధికారులు పేర్కొన్నారు.
ఇది కూడా చదవండి: రేషన్ కార్డు దారులకు అలర్ట్! రేషన్ కొత్త టైమింగ్స్‌, తేదీలు ఇవే..!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
ఈ 100 రూపాయలు మీ దగ్గర ఉన్నాయా..! అరెస్ట్ అవుతారు జాగ్రత్త!
ఇంజినీరింగ్ విద్యార్థులకు గోల్డెన్ ఛాన్స్..! BEL నోటిఫికేషన్ రిలీజ్!
ఏపీలో 10 అద్భుతమైన బీచ్‌లు.. ఈ హిడన్ జెమ్స్ లాంటి బీచ్‌లను మిస్ అవ్వకండి..
ఏపీలో కొత్తగా ఐకానిక్ కేబుల్ బ్రిడ్జ్.. నేషనల్ హైవేకు కనెక్ట్! ఈ రూట్‌లోనే, డీపీఆర్ పనులు..!
వైసీపీకి దిమ్మ తిరిగే షాక్! టీడీపీ కార్యకర్తపై దాడి కేసులో కీలక నిందితుడు అరెస్ట్!
రూ.500 కోట్ల కుంభకోణంలో కిరణ్ అరెస్ట్! దర్యాప్తులో వారి వివరాలు వెల్లడి!
కవిత కు కేసీఆర్ మార్క్ ట్రీట్మెంట్..! హరీష్ కు కీలక బాధ్యతలు..!
మస్క్ కు ఫేర్వెల్ పార్టీ ఇచ్చిన ట్రంప్! చివరి రోజు ఘనంగా వీడ్కోలు!
ఏపీ వాసులకు గుడ్ న్యూస్! రేషన్ అందదనే బెంగే అక్కర్లేదు! మంత్రి కొత్త ఆలోచన!
ఖరీఫ్ రైతులకు ఏపీ సర్కార్ గుడ్ న్యూస్..! ఆ నిధుల విడుదల..!
ఎన్టీఆర్ భరోసా పథకానికి ప్రజల నుండి విశేష స్పందన! ఉదయానికే 52% పంపిణీ పూర్తి!
ఏపీలో డ్వాక్రా మహిళలకు గుడ్‌న్యూస్.. రూ.2లక్షలకు పైగా..! మంత్రి కీలక ఆదేశాలు!
డీఎస్సీ అభ్యర్థుల విజ్ఞప్తులపై ఏపీ సర్కారు సానుకూల స్పందన...! డీటెయిల్స్ ఇవిగో!
స్కూళ్లకు ఏపీ విద్యాశాఖ కీలక ఆదేశాలు.. ఎన్నడూ లేని విధంగా ఈసారి!
హైదరాబాదులో ఘనంగా ఎన్టీఆర్ ఫిల్మ్ అవార్డుల ప్రదానోత్సవం! తొలిసారిగా త్రివిధ దళాల సైనికాధికారులకు..
ఏపీ ప్రభుత్వం కీలక నిర్ణయం! ఉచితంగా రూ.8000.. ఎవరెవరికంటే?
లిక్కర్ కేసులో వేగం పెంచిన సిట్! మొదటి రోజు విచారణలో..
ఆంధ్ర ప్రవాసి గ్రూప్ లో జాయిన్ అవ్వండి:
#andhrapravasi #UPIAlert #UPIUsers #DigitalPayments #ImportantUpdate #FintechNews #MobileBanking #UPINews
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.